Skilmálar

Iceland Snowsports ehf.

Kt.680607-1680

Skardshlid 9h

603 Akureyri

+354 840-6625

info@icelandsnowsports.com | info@skidaskoli.is

Kaupandi skal ávallt lesa og kynna sér vel upplýsingar um það sem kaupa skal áður en bókin er kláruð og send. Kaupandi er ábyrgur fyrir því að tryggja að kaup hans séu í takt við eigin óskir. Það er einnig á ábyrgð kaupanda að fylgjast með að upplýsingar sem hann fær sendar með staðfestingu (aðeins í tölvupósti) séu í samræmi við það sem viðkomandi skráði inn við pöntunina.

Þegar bókun er staðfest með greiðslu verður samningur á milli Iceland Snowsports og viðskiptavinar bindandi. Iceland Snowsports er skylt að kennsla fari fram. Viðskiptavinir skulu mæta á kennslustað 15 mínútum fyrir áætlaða kennslu tilbúnir með allan búnað. Ef leigja þarf búnað þarf að undirbúa það hjá skíðaleigu fyrir kennslustund.

Viðskiptavinir bera ábyrgð á eigin öryggi með notkun hjálma og sjá til þess að búnaður sé í góðu lagi þannig að kennslustund geti farið fram án truflana. Ef búnaður bilar í kennslustund er það á ábyrgð viðskipavinar.

Viðskiptavinir eru á eigin ábyrgð í kennslu á vegum Iceland Snowsports.

Iceland Snowsports bera ekki ábyrgð á slysum eða meiðslum viðskiptavina.

Mælt er með að viðskiptavinir hafi sína eigin tryggingu.

Iceland snowsports áskilur sér rétt til að breyta tímabókunum fyrirvaralaust vegna veðurs eða lokana á skíðasvæðinu. Ef skíðasvæðið er lokað þá bjóðum við ykkur að bóka kennslu á öðrum degi.

AFBÓKANIR OG ENDURGREIÐSLUR

●    Bókanir sem afbókaðar eru innan 48 klst verða ekki endurgreiddar.

●    Ef afbókað er með amk 48 klst fyrirvara verða bókanir endurgreiddar en 10% trygging verður dregin frá.

●    Ef kennsla fellur niður vegna veðurs eða annara lokana á skíðasvæði verður kennsla endurgreidd en dregið er 1,5% í umsýslugjald.

●    Endurgreiðslur vegna alvarlegra veikinda eða slysa viðskiptavina verða aðeins gefnar ef sýnt verður fram á læknisvottorð.

PERSÓNUVERNDARSTEFNA ICELAND SNOWSPORTS

Iceland Snowsports ehf. kt.680607-1680, Skarðshlíð 9H 603 Akureyri, virðir rétt þinn til einkalífs og tryggir að öll meðferð persónuupplýsinga sé ávallt í samræmi við ákvæði gildandi laga og reglugerða um persónuvernd og meðferð persónupplýsinga.

Við tryggjum að persónuupplýsingar séu ekki afhentar óviðkomandi þriðju aðilum og sérhver miðlun persónuupplýsinga á sér aðeins stað með samþykki viðkomandi eða í samræmi við heimild í gildandi persónuverndarlöggjöf.

Ákvæði og skilmála þessa ber að túlka í samræmi við íslensk lög. Komi upp ágreiningur eða telji einhver að hann eigi kröfu á hendur Iceland Snowsports ehf. Á grundvelli þessara ákvæða og skilmála, verður slíkum ágreiningi eða kröfu einungis vísað til meðferðar hjá íslenskum dómstólum.